Paul Kagame ka dhënë betimin, për herë të tretë, për t’u bërë President i Ruandës, pasi që fitoi zgjedhjet me 98.79 për qind të votave, transmeton KTV.
59-vjeçari mbajti fjalimin e tij inaugurues, pasi që dha betimin dhe parakaloi para forcave ushtarake në stadiumin nacional Amahoro në kryeqytetin Kigali.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoShefi i drejtësisë së Ruandës, Sama Rugege, administroi betimin e presidentit, ndërsa ngjarja u përcoll nga liderë të shumë shteteve afrikane.
Në fjalimin e tij, Kagame u shpreh që është mirënjohës që sërish u rizgjodh president i vendit. Ai tha që Ruanda do të vazhdojë të krijojë aleatë të rinj dhe të ruajë bashkëpunimin me shtetet tjera.
Kagame, i cili është kryetar i Frontit Patriotik të Ruandës, në mandatin e tretë të tij si president, është ngarkuar me ngritjen e kapaciteteve të industrisë dhe agrikulturës së vendit dhe me zbutjen e papunësisë dhe varfërisë.