Mijëra njerëz janë mbledhur të shtunën në Stamboll nën flamurin e partisë kryesore të opozitës, partisë republikane.
Partia republikane e qendrës së majtë, ka thirrur tubimin masiv pas vendimit të gjykatës së apelit që la në fuqi dënimin me burgim të Canan Kaftancioglu, kryetar i një lagjeje të Stambollit, i cili u dënua për kritikat kundër presidentit Recep Tayyip Erdogan gjatë protestave antiqeveritare të vitit 2013.
Kaftancioglu ishte pjesë e tubimit. Mijëra njerëz kanë bërë thirrje për drejtësi dhe ligj. Këtë tubim, partia republikane e shfrytëzoi si formë proteste edhe ndaj krizës ekonomike, inflacionit të lartë dhe autoritarizmit të Erdoganit.
Gjatë fjalimit, kryetari i partisë republikane, Kemal Kiliçdaroglu, u ka bërë thirrje turqve që të mos mbështetin xhelatin e tyre, duke iu referuar presidentit Erdogan.
Ai u ka bërë thirrje përkrahësve që t’i marrin seriozisht kërkesat për demokraci në Turqi.
Kryetari i partisë republikane ka thënë se kriza financiare në Turqi është shkaktuar nga keqmenaxhimi i Qeverisë së Erdoganit.
-
Protesta në Stamboll në mbështetje të liderit të arrestuar të opozitës, Ekrem Imamoglu
-
Policia turke arreston 13 opozitarë që zgjodhën udhëheqësin e rrëzuar
-
Ish-kryetari i bashkisë së Stambollit do të dalë para gjyqit nën akuzat për korrupsion
-
Presidenti “i fortë” - luftë ndaj korrupsionit apo ndaj zërit opozitar
-
Protesta në Turqi pasi policia bllokoi selinë e partisë kryesore opozitare në Stamboll