Orbani, model për amerikanët konservatorë

Paraqitja e Orbanit në Konferencën e Veprimit Politik Konservator, ku atij do t'i bashkohet ish-presidenti Donald Trump dhe ikona të krahut të djathtë si kongresisti republikan Marjorie Taylor Greene, është treguesi më dramatik deri më tani se si një lider është kritikuar për shtytjen e parimeve antidemokratike, është bërë hero për segmente të Partisë Republikane

Kur krerët e shteteve vizitojnë SHBA-në, pika kryesore në itinerarin e tyre është zakonisht një vizitë në Shtëpinë e Bardhë. Për kryeministrin hungarez, Viktor Orban muajin e ardhshëm do të mbajë fjalim në një konferencë të aktivistëve konservatorë në Dallas.

Paraqitja e Orbanit në Konferencën e Veprimit Politik Konservator, ku atij do t'i bashkohet ish-presidenti Donald Trump dhe ikona të krahut të djathtë si kongresisti republikan, Marjorie Taylor Greene, është treguesi më dramatik deri më tani se si një lider është kritikuar për shtytjen e parimeve antidemokratike, është bërë hero për segmente të Partisë Republikane.

Imazhi i autoritarizmit

Orban ka frenuar imigracionin dhe ka penguar ata që parashikojnë demokraci evropiane më të qëndrueshme për vendin e tyre. Ai e ka bërë këtë duke marrë kontrollin e gjyqësorit dhe medias hungareze duke bërë që shumë analistë ndërkombëtarë ta etiketojnë si fytyrën e një vale të re autoritarizmi. Ai gjithashtu akuzohet se ka mundësuar korrupsion dhe nepotizëm të përhapur, duke përdorur burimet shtetërore për të pasuruar një rreth të ngushtë aleatësh politikë.

Përqafimi i Orbanit nga lëvizja konservatore amerikane vjen teksa u bën jehonë gënjeshtrave të Trumpit se ai nuk i humbi zgjedhjet presidenciale të vitit 2020, ndëshkon republikanët që u përpoqën ta mbanin atë përgjegjës për sulmin e 6 janarit në Kapitolin e SHBA-së dhe përqafon kufizime të reja votimi. Shumë ekspertë të politikës hungareze kanë frikë se GOP mund të aspirojë për taktikat e Orbanit.

"Ana trumpiste e Partisë Republikane njihet për retorikën, por po mbron autokracinë", tha Kim L. Schepple, sociologe në Universitetin Princeton që ka studiuar Orbanin. “Jam e shqetësuar se tërheqja ndaj Orbanit është vetëm sipërfaqësisht çështje lufte kulturore dhe më thellë se si të parandalohet që pushteti të mos dalë ndonjëherë nga duart e tyre”.

Konservatorët e hedhin poshtë këtë nocion - apo edhe akuzën se Orbani është autoritar.

"Ajo që na pëlqen tek ai është se në fakt po ngrihet për lirinë e popullit të tij kundër tiranisë së BE-së", tha Matt Schlapp, kreu i CPAC, i cili mblidhet në Dallas duke filluar nga 4 gushti. "Ai ka tërhequr vëmendjen e shumë njerëzve, duke përfshirë shumë njerëz në Amerikë që janë të shqetësuar për rënien e familjes”.

Politikat shtypëse

Mbledhjet e CPAC-it janë diçka si një kryqëzim midis Davosit dhe Woodstockut për lëvizjen konservatore, një vend takimi për aktivistët për të bërë strategji e frymëzuar dhe rrjetëzuar. Në fillim të këtij viti CPAC-i mbajti takimin e parë në Evropë duke zgjedhur Hungarinë. Ndërsa ishte atje, Schlapp e ftoi Orbanin të fliste në mbledhjen e Teksasit. Vitin e kaluar ylli i Fox News, Tucker Carlson, transmetoi emisionin e tij nga Budapesti.

Orban shërbeu si kryeministër i Hungarisë midis 1998 dhe 2002, por është historia e tij qëkur mori detyrën përsëri në 2010 që ka shkaktuar polemika. Një kampion i vetëquajtur i asaj që ai e përshkruan si "demokraci joliberale", Orban e ka përshkruar veten si një mbrojtës i të ashtuquajturit krishterim evropian kundër emigrantëve myslimanë, progresistëve dhe "lobit LGBTQ".

Ndërsa partia e Orbanit ka mbështetur iniciativat teknokratike që kanë kapur imagjinatën e së djathtës amerikane – Schlapp përmendi në mënyrë specifike një ulje të taksave që gratë hungareze marrin për çdo fëmijë si një mënyrë për të kundërshtuar një popullsi në rënie – ai njihet më së shumti për qëndrimin e tij agresiv ndaj çështjeve të nxehta të kulturës.

Qeveria e Orbanit ngriti një gardh me tela gjemborë përgjatë kufirit jugor të Hungarisë në vitin 2015 si përgjigje ndaj një fluksi refugjatësh që ikin nga dhuna dhe varfëria në Irak, Siri, Afganistan dhe gjetkë. Carlson vizitoi barrierën kufitare, duke e vlerësuar si model për SHBA-në.

Vitin e kaluar partia e krahut të djathtë e Orbanit, Fidesz, ndaloi përshkrimin e homoseksualitetit ose ndryshimin e seksit në media që synonin njerëzit nën 18 vjeç, një veprim që kritikët thanë se ishte një sulm ndaj personave LGBTQ. Informacioni mbi homoseksualitetin ishte gjithashtu i ndaluar në programet e edukimit seksual në shkolla, ose në filma dhe reklama të qasshme për të miturit.