Më shumë se 5.2 milionë ukrainas janë larguar nga vendi që kur Rusia nisi pushtimin e saj dy muaj më parë – me mbi 45.000 që iu bashkuan radhëve të tyre në 24 orët e fundit, ka thënë Agjencia e Kombeve të Bashkuara për refugjatët.
Në total, 5.232.014 njerëz janë larguar nga Ukraina si refugjatë që nga 24 shkurti, sipas UNHCR. Kjo shënon një rritje prej 45.270 krahasuar me shifrën e së dielës.
Dalja është ngadalësuar që nga fillimi i luftës. Që nga fillimi i prillit, pak më pak se 1.2 milion ukrainas janë larguar nga vendi, pasi rreth 3.4 milionë u larguan në mars, shkruan BBC.
Gratë dhe fëmijët përbëjnë 90% të atyre që kanë ikur jashtë vendit, me burra të moshës 18 deri në 60-vjeç që kualifikohen për thirrje ushtarake dhe të paaftë për t'u larguar.
Përveç kësaj, Organizata Ndërkombëtare për Migracionin vlerëson se më shumë se 7.7 milionë njerëz janë zhvendosur brenda Ukrainës.
Pothuajse dy të tretat e fëmijëve ukrainas kanë ikur nga shtëpitë e tyre, përfshirë ata që mbeten në vend.
-
Më shumë se 8 milionë ukrainas janë zhvendosur brenda Ukrainës
-
Mbi 4.5 milionë të larguar nga Ukraina që nga fillimi i luftës
-
OKB-ja: Mbi 11 milionë banorë të zhvendosur nga pushtimi rus në Ukrainë
-
Mbi katër milionë persona kanë ikur nga Ukraina që nga fillimi i pushtimit rus
-
OKB: 3.5 milionë banorë kanë ikur nga Ukraina