Shefi i emergjencave për Organizatën Botërore të Shëndetësisë po u bën thirrje qeverive të ushtrojnë "kujdes ekstrem" në heqjen e plotë të kufizimeve, duke paralajmëruar se transmetimi i COVID-19 do të rritet me hapjen e vendeve.
Michael Ryan, i pyetur gjatë një konference shtypi të OBSH-së për të vlerësuar vendimin e Britanisë që të lehtësojë kufizimet pavarësisht nga ngritja e rasteve, tha se "çdo vend tani po heq kufizimet në një mënyrë ose në tjetrën" me shpresën për të vendosur një ekuilibër midis një kthimi drejt normalitetit dhe nevojës për të kontrolluar virusin ndërsa vaksinimet rriten.
"Transmetimi do të rritet kur të hapeni", ka thënë Ryan, sepse jo të gjithë janë vaksinuar dhe mbetet pasiguria se sa vaksinimi frenon transmetimin, raporton AP.
Maria Van Kerkhove, udhëheqëse teknike e OBSH-së për COVID-19, ka thënë se disa faktorë çojnë në transmetimin e koronavirusit: Sjellja e koronavirusit dhe varianteve të tij; përzierja sociale; masa të reduktuara sociale; dhe shpërndarja e pabarabartë e vaksinave të koronavirusit.
