Ky është momenti kur një nxënëse shkolle gjermane u gjet e fshehur në Mosul, Irak.
Ajo ishte arratisur nga Gjermania për t’u bashkuar Shtetit Islamik.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nusja xhihadiste” quhet Linda Wenzel dhe është 16 vjeçe, transmeton MAPO.
Ajo u filmua nga ushtarët irakianë teksa nxirret nga streha e saj, e pistë dhe e plagosur.
Adoleshentja ulërin nga dhimbjet.
Raportohet se vajza, që u konvertua në myslimane kur ishte 15 vjeç, do të akuzohet për terrorizëm.
Ajo rrezikon dënimin me ekzekutim në rast se gjykatat irakiane e gjejnë fajtore.
Adoleshentes iu bë shpëlarje truri online nga një rekrutues i ISIS.
Ajo u nis për në Stamboll dhe më pas përfundoi në Siri ku u martua me një luftëtar çeçen.
Por ai u vra dhe vajza lëvizi për në Mosul të Irakut.
Mendohet se 25 mijë vullnetarë të ISIS janë vrarë në Mosul.
Gjermania po negocion për ekstradimin e saj në vendin e lindjes.
{gallery}
Babai i adoleshentes, një punëtor ndërtimi në Gjermani, tha se humbi ndjenjat kur mësoi se vajza e tij ishte gjallë.
Reiner, 52 vjeç, tha se kolegët e punës e sollën në vete.
“U largova dhe gjeta një qoshe për të qarë. Ajo është vogëlushja ime. Ka akoma atë shenjën në ballë që e ka bërë duke luajtur në kopsht kur ishte e vogël. Nuk e kam parë kurrë vogëlushen time kaq serioze dhe kaq të mërzitur”.
Ka raportime se vajza ka pranuar se ka vrarë njerëz, çka e rëndon shumë pozitën e saj ligjore.
Po ashtu dyshohet se ajo ka lindur një fëmijë, edhe pse kjo nuk është provuar akoma.
Nëse ekstradohet në Gjermani, vajza rrezikon dhjetë vite burg.