Një tërmet i fuqishëm në Kolumbinë perëndimore ka tronditur të hënën vendin e Amerikës së Jugut dhe Ekuadorin fqinj, duke detyruar njerëzit të evakuoheshin nga shtëpitë dhe ndërtesat.
Shërbimi Gjeologjik i Shteteve të Bashkuara (USGS) dhe institucioni homolog i Kolumbisë kanë raportuar të dy një tërmet me magnitudë 7,4, ndonëse ai ishte relativisht i thellë.
Të dy institucionet kanë raportuar se epiqendra ndodhej në San Jose del Palmar, një komunitet rreth 400 kilometra në perëndim të kryeqytetit të Kolumbisë, Bogota.
Autoritetet nuk raportuan menjëherë dëme apo të lënduar.
Tërmeti vjen pas dy tërmeteve të njëpasnjëshme me magnitudë 7,2 dhe 7,5 që goditën Venezuelën në fund të qershorit.
Këto tërmete shkatërruan qindra ndërtesa dhe shkaktuan vdekjen e më shumë se 5.000 personave.
Numri i të vdekurve nga tërmeti në Kolumbi arrin në 111
Photo: Associated Press
Presidenti i Kolumbisë, Abelardo De La Espriella, ka njoftuar se numri i të vdekurve nga tërmeti i sotëm 7.4 ballë Rihter që goditi vendin e Amerikës së Jugut, ka arritur në 111, transmeton “BBC”. Të paktën 87 janë lënduar.
Qeveria e Kolumbisë ka shpallur emergjencë kombëtare. Tërmeti 7.4 ballë Rihter goditi në rajonin Choco, në perëndim të vendit.
Janë shembur dhjetëra ndërtesa, ndërsa njerëz kanë mbetur të ngujuar nën rrënoja.
Arrin në mbi 40 numri i të vdekurve nga tërmeti në Kolumbi
Photo: Associated Press
Numri i të vdekurve si pasojë e tërmetit në Kolumbi ka arritur në mbi 40, përfshirë tre fëmijë që kanë humbur jetën nga shembja e një muri në bashkinë Calima El Darién.
Tërmeti me magnitudë 7.4 ka goditur të hënën në orën 07:34 me kohën lokale, në një thellësi prej 107 km, sipas Shërbimit Gjeologjik të SHBA-së.
Epiqendra ishte në San José del Palmar, në rajonin e Chocó-s.
Lëkundjet u ndjenë në të gjithë vendin, si dhe në vendet fqinje: Venezuelë, Ekuador dhe Panama.
Kjo ndodh më pak se dy muaj pasi dy tërmete të njëpasnjëshme shkatërruan pjesë të Venezuelës, duke shkaktuar vdekjen e më shumë se 5.000 personave.
Të paktën 20 të vdekur nga tërmeti në Kolumbi
Photo: Associated Press
Të paktën 20 persona raportohet se kanë humbur jetën dhe dhjetëra ndërtesa janë shembur në qytete të ndryshme të Kolumbisë perëndimore të hënën, pasi një tërmet i fuqishëm me magnitudë 7.4 goditi vendin e Amerikës së Jugut, duke bllokuar banorë nën rrënoja, duke shkaktuar të lënduar të tjerë dhe duke detyruar njerëzit të evakuoheshin nga shtëpitë e tyre deri në kryeqytetin Bogota.
Epiqendra ishte në San Jose Del Palmar, një komunitet me rreth 4,800 banorë në rajonin Choco, rreth 400 kilometra në perëndim të Bogotës, sipas raporteve të Shërbimit Gjeologjik të SHBA-së (USGS) dhe agjencisë përkatëse kolumbiane.
USGS-ja ka njoftuar se tërmeti ka ndodhur në një thellësi prej 107 kilometrash. Lëkundjet u ndjenë gjithashtu në vendin fqinj, Ekuador.
🇨🇴 | URGENTE: Momento del derrumbe de un edificio de 3 pisos tras el terremoto de magnitud 7,4 en Pereira, Colombia. pic.twitter.com/r3v2lW5pU3
— Alerta News 24 (@AlertaNews24) August 10, 2026
Të paktën 20 ndërtesa të shembura nga tërmeti në Kolumbi
Photo: Associated Press
Të paktën 20 ndërtesa janë shembur në qytetin Cali si pasojë e tërmetit që ka goditur vendin të hënën, duke lënë njerëz të bllokuar brenda, ka deklaruar kryetari i bashkisë Alejandro Eder, sipas agjencisë së lajmeve Reuters.
Epiqendra e tërmetit ndodhet në San Jose del Palmar, në rajonin Choco, midis qyteteve Cali dhe Medelin.
Tërmeti është regjistruar në një thellësi prej 82 kilometrash.
Autoritetet kanë raportuar gjithashtu të lënduar dhe dëme të rënda në ndërtesa në qytetet Quibdo dhe Pereira.