I mbijetuari nxirret nga rrënojat 167 orë pas tërmetit që goditi Turqinë, ndërsa punonjësit e shpëtimit garojnë me kohën
Një javë pas tërmetit shkatërrues që goditi Turqinë, ekipet e shpëtimit janë ende duke u përpjekur për të nxjerrë të gjallë personat që janë nën rrënoja, edhe pse agjencitë e ndihmës dhe autoritetet paralajmëruan se shanset për të gjetur të mbijetuar po bëhen gjithnjë e më të pamundura.
Pas 167 orësh, një burrë u shpëtua nga rrënojat në Antakya, në provincën Hatay të Turqisë jugore raporton CNN-i në Turqi. Burri shihet duke u ngritur nga punonjësit e shpëtimit, të cilët më pas i përqafon.
Më herët të dielën, një grua 55-vjeçare u nxor nga rrënojat pas 159 orësh, ndërsa një grua 85-vjeçare u shpëtua pas 152 orësh e bllokuar në atë që nipi i saj e përshkroi si një zgavër rreth 30-40 centimetra e gjerë, sipas CNN Turk.
Dy persona - një burrë 25-vjeçar sirian dhe një fëmijë - u shpëtuan gjithashtu në Hatay rreth 151 dhe 152 orë pas goditjes së tërmetit, thanë zyrtarët lokalë të dielën.
Burri u shpëtua pasi ekipet e reagimit zbuluan zhurma poshtë mbeturinave gjatë kryerjes së një studimi në rrënojat e një ndërtese apartamentesh në Antakya, sipas zyrtarëve.
Edhe
Nxirret një burrë pas shumë orëve nën rrënoja në Turqi
Teknologjia u përdor edhe nga ekipet për të gjetur një fëmijë, mosha e të cilit nuk u bë e ditur.
Të paktën 41 persona u shpëtuan nga nën rrënojat në Turqi midis mes 141 dhe 163 orë pas goditjes së tërmetit, njoftoi të hënën agjencia shtetërore e lajmeve Anadolu.
