Një zëdhënës i ushtrisë amerikane tha se koalicioni ushtarak në Siri, i udhëhequr nga Shtetet e Bashkuara, ka nisur procesin e tërheqjes së trupave nga ky vend.
Koloneli Sean Ryan tha se "procesi i tërheqjes sonë të kujdesshme nga Siria ka nisur", edhe pse nuk dha detaje specifike.
"Për shkak të shqetësimit për sigurinë operacionale, nuk do të diskutojmë për kohën specifike, vendndodhjen apo lëvizjen e trupave", tha Ryan.
Vëzhguesi Sirian për të Drejtat e Njeriut, grup që monitoron luftën në Siri, tha se koalicioni ka nisur ta ulë praninë në aeroportin Rmeilan, në provincën verilindore të Sirisë, Hasakeh.
Presidenti i Shteteve të Bashkuara, Donald Trump, ka njoftuar më 19 dhjetor se do të bëjë tërheqjen e të 2,000 trupave amerikane nga Siria.
Njoftimi i tij i ka befasuar aleatët dhe është kritikuar brenda administratës.
-
SHBA-ja tërheq komplet forcat e saj nga Iraku në shtator
-
Dy zyrtarë të Senatit shprehin shqetësim për tërheqjen e trupave amerikane nga Gjermania
-
SHBA-ja do t’i tërheqë 5000 trupa nga Gjermania në 6-12 muaj e ardhshëm
-
SHBA-ja po planifikon të dërgojë mijëra trupa të tjerë në Lindjen e Mesme
-
Sulmi i SHBA-së në Iran duket shumë i mundshëm, përmendet 24-orëshi