Në Turqi 1,006 të vdekur, masa drastike në 32 provinca

98 persona të tjerë kanë humbur jetën nga koronavirusi në Turqi gjatë 24 orëve të kaluara, duke e çuar numrin e përgjithshëm të viktimave në 1.006.

Numri i përgjithshëm i rasteve të konfirmuara me koronavirus është rritur në 47.029, pasi 4.747 persona kanë rezultuar pozitivë në testet për virusin, ka njoftuar ministri i Shëndetësisë. Deri më tani, gjithsej 2.423 janë shëruar dhe liruar nga spitalet, transmeton KOHA.

Ndërkaq Ministria e Brendshme e Turqisë ka njoftuar se në 31 provinca, përfshirë Stambollin dhe Ankaranë, do të zbatohet orë policore gjatë gjithë fundjavës.