Sllovakët këtë fundjavë do të votojnë në zgjedhje të parakohshme pas rënies së ish-qeverisë së qendrës së djathtë.
Kryesuese në shumicën e sondazheve është partia populiste SMER e Robert Ficos, i cili ka premtuar se do t’i japë fund mbështetjes ushtarake sllovake për Ukrainën. Ai njihet me qëndrime pro-ruse.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFico u detyrua të jepte dorëheqjen si kryeministër pas vrasjes së gazetarit investigativ Jan Kuciak më 2018.
Fico shërbeu si kryeministër i Sllovakisë nga viti 2006 deri më 2010 dhe nga 2012 deri më 2018. Ai ka deklaruar herë pas here se nuk do ta njohë Pavarësinë e Kosovës. Sllovakia është një nga pesë shtetet mosnjohëse të BE-së.
“Nëse SMER hyn në qeveri, ne nuk do të dërgojmë asnjë municion në Ukrainë”, ka thënë ai së fundmi në një tubim.
Kërcënimi ka vënë këmbanat e alarmit në kryeqytetet perëndimore, megjithatë jo për të gjithë.
Bratislava ka qenë një aleat besnik dhe i palëkundur, duke furnizuar Kievin me raketa dhe helikopterë tokë-ajër, madje duke dhuruar të gjithë flotën e saj avionëve luftarakë MiG-29 që s’i kishte në përdorim. Por, sipas analistëve, tani Sllovakia nuk ka shumë për të dhënë.