Autoritetet shëndetësore në Serbi kanë njoftuar se gjatë 24 orëve të fundit kanë vdekur edhe 10 persona nga COVID-19.
Që nga fillimi i pandemisë, numri i përgjithshëm i të vdekurve ka arritur në 452.
Shtabi i Krizës, i cili menaxhon me situatën e pandemisë, njoftoi se janë regjistruar edhe 392 raste të reja me koronavirus.
Ministri i Shëndetësisë në Serbi, Zllatibor Lonçar, njoftoi se 649 punonjës shëndetësorë janë pozitivë për COVID-19.
“Problemi më i madh me koronavirusin është në Beograd dhe Novi Sad, dhe në ditët në vijim do të kemi një rritje të numrit të të infektuarve për shkak të protestave. Sipas të dhënave, disa pacientë kanë deklaruar se kanë qenë në protesta”, tha Lonçar, përcjell Rel.
Që nga fillimi i pandemisë, gjithsej 20,109 raste të të infektuarve me koronavirus janë regjistruar në Serbi.
-
Serbia regjistron 65 të vdekur nga COVID-19 në 24 orë
-
Rritet numri i vdekjeve nga koronavirusi në Serbi
-
Në Serbi, mbi 6.000 raste të reja me COVID-19, 29 të vdekur
-
Nëntë të vdekur në Serbi në 24 orët e fundit si pasojë e COVID-19, 295 raste të reja
-
Në Serbi tetë të vdekur nga COVID-19 në 24 orët e fundit, në Kroaci katër