Në Kanada, taksë për të pavaksinuarit

Provinca kanadeze, Quebec, do të shtojë një taksë shëndetësore për banorët që nuk janë të vaksinuar kundër koronavirusit.

Quebec, rajon i cili është përballur me shifrat më të larta të vdekjeve me koronavirus në Kanada, aktualisht po përballet me rritje të shkallës së infektimit.

Vetëm 12.8 për qind e banorëve të Quebecut nuk janë të vaksinuar, mirëpo ata përbëjnë gjati gjysmën e të gjithë pacientëve të shtrirë nëpër spitale.

Sipas të dhënave federale, rreth 85 për qind e banorëve të Quebecut kanë marrë të paktën një dozë të vaksinës kundër koronavirusit deri më 1 janar.

Kryetari i Quebecut, Francois Legault, ka thënë në një konferencë për media se njerëzit që nuk kanë marrë dozën e parë të vaksinës, duhet të paguajnë “një kontribut”.

Shuma e taksës nuk është caktuar ende.

Edhe Botë 4 d. më parë FT: Trumpi po përgatit tarifa të reja për dhjetëra vende

“Mendoj se tani kjo çështje ka të bëjë me drejtësinë e më shumë se 90 për qind të popullsisë që ka bërë sakrifica”, ka thënë Legault. “Mendoj se ua kemi borxh këtë masë”.

Javën e kaluar, kjo provincë ka njoftuar se do të kërkojë dëshmi të vaksinimit në dyqanet e alkoolit dhe kanabisit.

Në 24 orët e fundit, autoritetet në këtë rajon kanë regjistruar 62 vdekje si pasojë e COVID-19, duke e çuar totalin e viktimave në 12.028. /Rel