Stërvitja vjetore në shkallë të gjerë e NATO-s për sulmet kibernetike ka filluar të martën me pjesëmarrës nga 32 vende.
Kjo stërvitje pasqyron skenarët e sulmeve në jetën reale të bazuar në sulmet kibernetike të para gjatë 30 vjetëve të fundit, ka thënë Ian West, shefi i Qendrës së Sigurisë Kibernetike të NATO-s, raportoi CNN-i.
Gati 2000 pjesëmarrës nga 32 vende do të marrin pjesë në stërvitjen e mbrojtjes kibernetike të njohur si Mburoja e Mbyllur, sipas Qendrës së Shkëmbimit dhe Analizës së Informacionit të Shërbimeve Financiare me bazë në SHBA.
Stërvitja është planifikuar muaj më parë dhe nuk përfshin drejtpërdrejt kërcënimet kibernetike që rrjedhin nga lufta e Rusisë në Ukrainë, ka thënë West. Por sipas tij, lufta dhe aktiviteti kibernetik i dyshuar rus dhe bjellorus i lidhur me të, nuk duhet të injorohen.
Qendra Bashkëpunuese e Ekselencës e Mbrojtjes Kibernetike të NATO-s ka votuar disa ditë pas pushtimit të Rusisë për të pranuar Ukrainën si pjesëmarrëse kontribuese në qendrën e kërkimit dhe trajnimit të sigurisë kibernetike.