Një sulm bërthamor rus do të shkaktonte një përgjigje fizike nga aleatët e Ukrainës dhe potencialisht nga NATO-ja, ka thënë një zyrtar i lartë i NATO-s.
Çdo përdorim i armëve bërthamore nga Moska do të kishte "pasoja të paprecedentë" për Rusinë, ka thënë të mërkurën për Reuters zyrtari, i cili ka dashur të mbetet anonim.
“Me siguri do të kishte një përgjigje fizike nga shumë aleatë dhe potencialisht nga vetë NATO-ja”, tha zyrtari.
Ai shtoi se Moska po përdor kërcënimet e saj bërthamore kryesisht për të penguar aleancën dhe vendet e tjera që të hyjnë drejtpërdrejt në luftën e Ukrainës.
Presidenti rus, Vladimir Putin, nuk e ka përjashtuar mundësinë e përdorimit të armëve bërthamore nëse sulmohet ndonjë pjesë e territorit të Rusisë.
Edhe
Numri dy i NATO-s e quan blof kërcënimin e Putinit
Deklarata e Putinit ka ardhur pas aneksimit të katër territoreve ukrainase më 30 shtator dhe shpalljes së tyre si territor rus. Territoret e aneksuara janë: Donetsk, Luhansk, Zaporizhzhia dhe Khersoni. Ky aneksim konsiderohet i jashtëligjshëm nga Perëndimi dhe Ukraina.
-
Putini paralajmërohet se përdorimi i armëve bërthamore do ta “kolapsojë” Rusinë
-
SHBA-ja i kërkon NATO-s vigjilencë pasi Rusia mund të përdorë armë bërthamore në Ukrainë
-
Zelensky nxit zemërimin e Kremlinit me thirrjen që NATO të bëjë sulme parandaluese ndaj Rusisë
-
NATO: Putinin e presin “pasoja të rënda” nëse i përdor armët bërthamore