Aeroplani që po bartte presidentin e dorëhequr bolivian, Evo Morales, ka ateruar të martën rreth orës 18:00 në Meksikë, ku atij i është dhënë azili pasi u detyrua të dorëhiqej si pasojë e protestave në Bolivi për shkak të zgjedhjeve të diskutueshme, kanë treguar pamjet televizive.
Ministria e Jashtme e Meksikës ka negociuar me disa qeveri jug-amerikane për të siguruar kalimin e sigurt të Moralesit nga Bolivia në Meksikë, ka thënë ministri i Jashtëm meksikan, Marcelo Ebrard, në një konferencë për media të martën, raporton Reuters.
Morales tha se Meksika ia ka shpëtuar jetën, ndërsa ka potencuar se nuk do të tërhiqet nga jeta politike përderisa të jetë gjallë, transmeton Koha.net.
Ai tha po ashtu se shtëpia e tij në Bolivi i është shkatërruar, sikurse edhe ajo e motrës së tij.
-
Meksika i jep azil politik presidentit të rrëzuar të Bolivisë, Evo Morales
-
Meksika i ofroi azil ish-presidentit peruan, u zu gjatë rrugës për në ambasadë
-
Caktohet më 3 maj dita e zgjedhjeve të reja në Bolivi
-
Prokurorët urdhërojnë arrestimin e ish-presidentit bolivian, Morales
-
Partitë politike pajtohen për zgjedhje të reja në Bolivi