Presidenti i ri i Koresë së Jugut, Moon Jea-in i ka bërë thirrje presidentit rus, Vladimir Putin që të luaj “rol konstruktiv” në zgjidhjen e tensioneve me Korenë e Veriut, pas kërcënimeve nga Phenjani se do të përdorë armë bërthamore.
Zyra e Moon ka thënë se lideri jugkorean, i ka thënë Putinit, në një bisedë telefonike se gjetja e zgjidhjes për kërcënimin që vjen nga Koreja e Veriut, do të ndihmojë në rritjen e bashkëpunimit në mes të Seulit dhe Moskës.
“Ne shpresojmë që Rusia do të luaj rol konstruktiv, në mënyrë që të ndalohet Koreja e Veriut me provokimet e saja bërthamore dhe të shkojë drejt rrugës së denuklearizimit”, i ka thënë Moon Putinit, sipas zyrës së presidentit jugkorean.
Në deklaratë po ashtu thuhet se Moon ka thënë se Rusia është e gatshme të luaj pjesën e saj “produktive” për të ulur tensionet.
Në një deklaratë nga Kremlini thuhet se Putini ka theksuar “rëndësinë e gjetjes së rrugëve politike dhe diplomatike për të zgjidhur krizat”.
-
Putini i ofron ndihmë pas përmbytjeve, Kim Jong-un e pranon vetëm “nëse është e nevojshme”
-
SHBA-ja “tepër e shqetësuar” me kërcënimin e Putinit për ta furnizuar Korenë e Veriut me armë
-
Koreja e Veriut jep detaje të marrëveshjes së arritur mes Putinit e Kim Jong Un-it
-
Kim Jong Un thotë se Koreja e Veriut e përkrah plotësisht "operacionin e Rusisë në Ukrainë"
-
Presidenti jugkorean, marinës: “Fillimisht veproni, më pas raportoni” nëse provokoheni