Ministria e Mbrojtjes e Tajvanit i ka kërkuar Pekinit të ndalojë “ngacmimet e vazhdueshme ushtarake”, pasi zbuloi më shumë se 100 avionë luftarakë kinezë afër ishullit në një hark kohor 24-orësh midis të dielës dhe të hënës, raporton CNN. Numri i avionëve luftarakë të regjistruar paraqiste “sfida të rënda për ngushticën e Tajvanit dhe sigurinë rajonale”, ka njoftuar ministria në një deklaratë.
Sipas një harte fluturimi të siguruar nga ministria, 40 nga 103 avionët luftarakë kinezë kaluan vijën mesatare në ngushticën e Tajvanit dhe hynë në zonën e vetëshpallur të identifikimit të mbrojtjes ajrore të Tajvanit (ADIZ). Ato 40 inkursione u bënë nga 10 avionë luftarakë Su-30, 12 avionë luftarakë J-10, katër avionë luftarakë J-11, 10 avionë luftarakë J-16, dy avionë Y-20 për furnizim me karburant dhe dy avionë paralajmërues të hershëm KJ-500 dhe aeroplanët e kontrollit.
Partia Komuniste në pushtet e Kinës e sheh Tajvanin – një ishull me 24 milionë banorë të qeverisur në mënyrë demokratike – si pjesë të territorit të saj, pavarësisht se nuk e ka kontrolluar kurrë.
