Mijëra sirianë kanë mbetur të ngujuar gjatë ditës së sotme pasi është ndërprerë marrëveshja për evakuimin e tyre, marrëveshje kjo e cila u arrit mes qeverisë dhe rebelëve.
Observatori sirian për të Drejtat e Njeriut, ka thënë se kjo ndërprerje ishte për shkak të rebelëve nga Zabadani të cilët nuk kanë dhënë leje të kalimit të sigurt jashtë vendit, shkruan Reuters, përcjell Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKëta sirianë fillimisht janë evakuuar në qytetin Madaya afër Damaskut në Aleppo, ndërsa tani do t’i dërgojnë në provincën Idlib.
Janë më shumë se 30.000 njerëz që do të zhvendoseshin nga zonat e luftërave në Siri, por që mbetën të ngecur.
Këta sirianë janë në pritje që nga e premtja, kur iu premtua se do të largoheshin nga zona e luftërave, por mbetën aty në pritje të fatit, megjithatë nuk iu lejua të kalojnë.
“Nuk kemi ujë të pijshëm e as ushqim. Garazhi për autobusë është shumë i vogël, nuk kemi as nga të lëvizim e as ku të bëjmë gjumë”, ka thënë Ahmed një 24 vjeçar.