Shefi i Këshillit të Bashkimit Evropian, Charles Michel, ka akuzuar Bjellorusinë se po e luan “ruletin rus” me civilët e saj, teksa liderët e bllokut janë dakorduar rreth vendosjes së sanksioneve shtesë ndaj shtetit, shkaku i rrëmbimit të një aeroplani civil.
Këtë lojë të rrezikshme me jetën e civilëve të pafajshëm, Michel ka thënë se BE-ja nuk mund ta tolerojë.
Duke reaguar kundër asaj që liderët e BE-së e quajtën “rrëmbim” klasik të aeroplanit të “Ryanairit”, që fluturonte nga Greqia në Lituani të dielën, blloku ka kërkuar lirimin e menjëhershëm të gazetarit të arrestuar, Raman Prataseviq, një kritik ky i presidentit autoritar bjellorus, Alexander Lukashenko.
Rasti dramatik i uljes emergjente të aeroplanit, me të cilin fluturonte Prataseviq, me urdhrin e drejtpërdrejtë të Lukashenkos, është cilësuar nga Perëndimi si “pirateri shtetërore”.
-
Zelensky: Rusia luan me jetën e të burgosurve ukrainas
-
Michel: Evropa t’i hapë dyert për rusët që duan të ikin nga vendi i tyre
-
SHBA-ja akuzon katër zyrtarë të Bjellorusisë për pirateri të avionëve
-
Bjellorusia i cilëson sanksionet e Perëndimit si shpallje të “luftës ekonomike”
-
Perëndimi godet Bjellorusinë me sanksione shtesë për “pirateri”