Kancelari gjerman, Friedrich Merz, ka thënë të hënën se Gjermania dhe Siria do të punojnë së bashku për të kthyer qindra mijëra refugjatë sirianë, të cilët ai tha se kishin një rol të rëndësishëm për të luajtur në rindërtimin e vendit të tyre.
Duke folur pas një takimi me presidentin sirian, Ahmed al-Sharaa në Berlin, Merz ka thënë se shumë refugjatë sirianë kishin dhënë një kontribut të madh në Gjermani, por se pjesa më e madhe e tyre do të ktheheshin në shtëpi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas tij, rreth 80% e sirianëve në Gjermani, ku rreth 700,000-800,000 kanë kërkuar azil, pritet të kthehen në vendin e tyre gjatë tre vjetëve të ardhshëm.
Prioriteti fillestar do të ishin "ata që nuk kanë më të drejta të vlefshme qëndrimi", ka deklaruar Merz, duke shtuar se kjo do të vlente veçanërisht për shkelësit e veprave penale.
Ndërkaq, Al-Sharaa ka thënë se Siria nuk do ta harronte kurrë se si Gjermania kishte hapur dyert për refugjatët gjatë luftës civile dhe ka shtuar se të dy vendet po rivendosnin partneritetin e tyre.