Të paktën 66 persona kanë vdekur si pasojë e fundosjes së një trageti në Bangladesh, shkroi “Al Jazeera” të martën.
Autoritetet në këtë vend kanë fajësuar mbipopullimin për fundosjen e tragetit ku përveç të vdekurve ka dhjetëra persona të tjerë që tash e dy ditë janë ende të zhdukur.
“Të paktën 15 persona të tjerë janë ende të pagjetur”, tha një zyrtar i lartë qeveritar në distriktin verior të Panchagarh, ku anija u përmbys të dielën.
Një komitet prej pesë anëtarësh po heton aksidentin, me raportet fillestare që sugjerojnë se anija mbante gati tre herë kapacitetin e saj.
Policia ka njoftuar se disa nga të përfshirët kanë arritur me anë të notit të shpëtonin.
Trageti ishte i mbushur me besimtarë hindu, të cilët ishin nisur drejt një tempulli popullor.
Brenda varkës ndodheshin më shumë se 80 persona.
