Rreth 20 persona raportohet se kanë vdekur e dhjetëra janë lënduar në Donetzk, raporton agjencia AP.
Autoritetet lokale në këtë qytet separatist të Ukrainës, thonë se sulmi ishte bërë nga forcat ukrainase me raketë Tochka-U.
Dëshmitarët kanë thënë se sistemi i mbrojtjes ajrore i Donetzkut ia ka dal ta godasë raketën në fluturim, por copat e raketës kanë rënë në Bulevardin Shevchenko dhe janë shpërndarë në drejtime të ndryshme duke shkaktuar vdekjen e disa personave.
Copat e raketës janë gjetur qindra metra larg nga vendi ku ndodhi rënia në qytetin që drejtohet nga separatistët pro-rus.