Theresa May do të takohet me zyrtarë të lartë të Konservatorëve, në mes të thirrjeve për të, që të përcaktojë datën e dorëheqjes.
Në muajin mars, kryeministrja britanike u zotua të japë dorëheqje, kur Parlamenti e ratifikon marrëveshjen e daljes nga BE-ja, transmeton KTV.
Sidoqoftë, ajo nuk e ka bërë të qartë se sa kohë ka ndërmend të qëndrojë nëse nuk arrihet marrëveshje.
Britania e Madhe do të duhej të largohej nga BE-ja më 29 mars, por afati u shty përsëri deri më 31 tetor, pasi Parlamenti nuk ishte në gjendje ta votonte marrëveshjen.
