Ministri maqedonas i Shëndëtësisë, Venko Filipçe ka konfirmuar gjatë një konference shtypi dy raste të reja me koronavirus në këtë shtet.
Ai ka thënë se bëhet fjalë për një çift bashkëshortësh të moshës 62 dhe 68 vjeçare nga Dibra, që të dytë të kthyer nga Italia më 27 shkurt, raportojnë mediet maqedonase.
“Në momentet e para nuk është konstatuar asnjë dyshim për koronavirus, sepse virusi ka qenë në fazë inkubimi, por pas 3-4 ditësh janë shfaqur simptomat e para”, ka thënë ai.
Çifti ishte kthyer nga Italia me autobus dhe kishte hyrë në pikën kufitare të Tabanocit ku më pas janë drejtuar drejt Shkupit dhe kanë përfunduar udhëtimin në qytetin e Dibrës.
“Gjendja e tyre është stabile”, ka thënë ai.
Artikuj të ngjashëm
-
Mbërrin në 31 numri i të infektuarve me koronavirus në Maqedoninë e Veriut, mjekë shtesë do të dërgohen në Dibër
-
Konfirmohet një rast me koronavirus në Maqedoninë Veriore
-
E infektuar me koronavirus hyn ilegalisht në Kosovë
-
Rekord i rasteve ditore me COVID-19 në Itali
-
Dy viktima dhe 37 raste të reja me koronavirus në Maqedoninë e Veriut