Lituania ndërton kampe refugjatësh në kufi me Bjellorusinë

Komisioni Evropian ka akuzuar liderin autoritar të Bjellorusisë se po i josh emigrantët me premtimin e rrejshëm se do të hyjnë me lehtësi në territorin e Bashkimin Evropian, duke përdorur stil gangsterësh. Së paku dy mijë emigrantë ndodhen aktualisht në kufirin ndërmjet Bjellorusisë me Poloninë

Parlamenti i Lituanisë shpalli të martën një gjendje të jashtëzakonshme në kufirin e vendit me Bjellorusinë dhe në kampet ku pritën emigrantët që mbërritën prej andej, tregoi një numër votash.

Gjendja e jashtëzakonshme, e cila fillon në mesnatën me orën lokale në natën e së martës deri të mërkurën dhe do të zgjasë një muaj, u lejon rojeve kufitare "dhunë fizike proporcionale" për të parandaluar emigrantët të hyjnë në Lituani.

Komisioni Evropian ka akuzuar liderin autoritar të Bjellorusisë se po i josh emigrantët me premtimin e rrejshëm se do të hyjnë me lehtësi në territorin e Bashkimin Evropian, duke përdorur stil gangsterësh. Së paku dy mijë emigrantë ndodhen aktualisht në kufirin ndërmjet Bjellorusisë me Poloninë.

Vendet anëtare të BE-së akuzojnë Bjellorusinë për inkurajimin e emigrantëve të paligjshëm nga Lindja e Mesme, Afganistani dhe Afrika për të kaluar kufirin drejt BE-së në shenjë hakmarrjeje për sanksionet e vendosura tashmë ndaj Minskut për shkeljet e të drejtave të njeriut.

Deklarata e Lituanisë ndalon çdo udhëtim brenda pesë kilometrave nga kufiri i Bjellorusisë, përveç nëse lejohet nga rojet kufitare. Telefonat celularë mund t'u hiqen emigrantëve dhe tubimet publike pranë kufirit dhe në kampe mund të ndalohen.

"Gjendja e jashtëzakonshme është e nevojshme për të përdorur...masa të jashtëzakonshme për të hequr kërcënimin serioz që paraqet për shoqërinë nga fluksi masiv i të huajve", thuhej në mocionin përpara parlamentit.

Masat do të pengojnë gjithashtu këdo që kërkon të ndihmojë emigrantët, tha kryeministrja Ingrida Simonyte në parlament.

"Njerëzit që jetojnë dhe punojnë (afër kufirit) do të mund të vazhdojnë ta bëjnë këtë, por njerëzit që duan të arrijnë atje, për shembull, të marrin emigrantët dhe t'i transportojnë ata në një territor tjetër, do të jetë më e vështirë për ta, për ta bërë këtë", tha Simonyte.

Lituania tha të hënën se po lëvizte trupat në kufirin e Bjellorusisë për t'u përgatitur për një fluks të mundshëm emigrantësh.

Komisioni Evropian vlerëson se emigrantët po nxitën forcërisht që të hynë në bllokun evropian nga ish-Republika sovjetike, që po përballet me sanksione për shkak të krizës së gjatë të brendshme politike.

Anëtarët e Bashkimit Evropian dhe NATO-s, Polonia, Lituania dhe Letonia kanë raportuar për ngritje të numrit të emigrantëve dhe refugjatëve nga Lindja e Mesme dhe Azia, që po mundohen të futen nëpërmjet kufirit me Bjellorusinë. Shumë prej tyre janë gra dhe fëmijë, që vijnë nga shtetet në luftëra ose trazira shoqërore në Lindje të Mesme dhe Azi. Polonia ka vendosur 12 mijë trupa ushtarake në kufi.