Lirohet nga burgu çifti britanik i mbajtur për gati 8 muaj nga talebanët

Një çift britanik që ishte ndaluar për gati tetë muaj nga talebanët në Afganistan është liruar, sipas një zyrtari që ka dijeni për rastin.

Peter Reynolds, 80 vjeç, dhe gruaja e tij Barbie, 76 vjeçe, të cilët kanë jetuar në Afganistan për gati 20 vjet, u arrestuan më 1 shkurt, teksa po ktheheshin në shtëpi, raporton BBC.

Çifti u lirua përmes ndërmjetësimit të Katarit, pasi ata u transferuan nga burgu qendror i Kabulit në një burg më të madh gjatë fazës së fundit të bisedimeve, tha zyrtari.

Një përfaqësues i Katarit tha se çifti do të udhëtojë fillimisht drejt Katarit për kontrolle mjekësore, përpara se të kthehen në Mbretërinë e Bashkuar, edhe pse ata kanë një shtëpi në provincën Bamiyan të Afganistanit.

Lirimi i tyre erdhi pas muajsh përpjekjesh publike nga familjarët për t’i nxjerrë nga burgu.

Edhe Botë 21 jan 2025 Talibanët lirojnë 2 të burgosur amerikanë për një të dënuar për trafikim narkotikësh

Vetëm gjashtë ditë më parë, një grua amerikane që ishte ndaluar me ta dhe më pas ishte liruar, i tha BBC-së se ata “po vdisnin vërtet” në burg dhe se “koha e tyre  po mbaronte”.

Faye Hall, e cila u lirua dy muaj pas arrestimit, tha se gjendja shëndetësore e çiftit ishte përkeqësuar shpejt gjatë qëndrimit në burg.