Ish-shefja e Politikës së Jashtme të Bashkimit Evropian e që udhëhoqi edhe negociatat në dialogun Kosovë-Serbi, Federica Mogherini, është liruar pas marrjes në pyetje nën dyshimin për mashtrim lidhur me financimin e një akademie për diplomatët e rinj, raporton “Euractiv”.
Gjithashtu është liruar edhe zyrtari i lartë i Komisionit Evropian, Stefano Sannino, i cili ka qenë sekretar i përgjithshëm në kohën sa Mogherini udhëhiqte shërbimin e Jashtëm të BE-së. Edhe Cesare Zegretti, punonjës i Kolegjit të Evropës, i përfshirë në departamentin e Edukimit, u lirua.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPolicia belge ka thënë se të tre nuk përbëjnë rrezik për hetimet prandaj janë liruar.
Hetimet ndaj tre të pandehurve lidhen me dyshimet për keqpërdorim të fondeve të BE-së nga Shërbimi Evropian për Veprim të Jashtëm (EEAS) dhe Kolegji i Evropës, së cilit i priu Federica Mogherini si presidente, në vitet 2021 dhe 2022. Bëhet fjalë për prokurimin për të financuar Akademinë e re Diplomatike Evropiane — një program vjetor trajnimi për diplomatë, i financuar nga Shërbimi Diplomatik i BE-së dhe i zhvilluar në Brugge.
Hetuesit po shqyrtojnë nëse Kolegji i Evropës ose përfaqësuesit e tij kanë pasur qasje paraprake në informacione konfidenciale rreth tenderit. Rasti po ashtu fokusohet te blerja prej 3.2 milionë eurosh e një objekti në Brugge nga Kolegji në vitin 2022 — një hapësirë e planifikuar për akomodimin e pjesëmarrësve të Akademisë — pak para se EEAS të hapte një tender, i cili më pas iu dha Kolegjit me financim prej 654 mijë eurosh.