Biznesmeni maltez, Yorgen Fenech, i dyshuar si urdhëruesi i vrasjes së gazetares malteze Daphne Caruana Galizia, është liruar me kusht.
Lajmi është raportuar nga Times of Malta, duke thënë se biznesmeni do të merret në pyetje përsëri. Fenech u arrestua të mërkurën nga autoritetet malteze në bordin e jahtit të tij ndërsa po përpiqej të linte ishullin për të udhëtuar drejt Italisë ose në Greqi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLirimi i biznesmenit, megjithëse me kusht dhe nën mbikëqyrjen e policisë, ka shkaktuar zemërimin në mediat sociale, me mesazhe të shumta që vunë në dyshim vullnetin efektiv të qeverisë malteze për të hedhur dritë mbi këtë çështje. Ditën e arrestimit të Fenech, ndërtesa e qeverisë ishte e rrethuar nga dhjetëra protestues të cilët kërkonin dorëheqjen e kryeministrit Joseph Muscat. Ky i fundit konfirmoi se Fenech është “një person me interes” në rastin e vrasjes së reporteres.
Të enjten e shkuar më 15 nëntor autoritetet malteze arrestuan Melvin Theuma, i cili rrëfeu se ishte ndërmjetësi mes udhëruesit të vrasjes Yorgen Fenech e autorëve të krimit vëllezërit George e Alfred De Georgio e Vincent Muscat.Gazetarja Daphne Caruana Galizia, u ekzekutua më 16 tetor 2017 me një autobombë të vendosur në automjetin e saj tip “Peugeot 108”. Ishte 53 vjeçe.
Kush është Yorgen Fenech?
Yorgen Fenech është administrator i deleguar i kompanisë Tumas Group, dhe pronar i një prej kazinove më të madhe malteze, si dhe drejtor i Përgjithshëm i Qendrës Elektrike të gazit në Maltë, ndaj të cilës po investigonte gazetarja Daphne Caruana Galizia.Por Yorgen Fenech është dhe pronar i kompanisë 17 BLACK me seli në Dubai e cilia ishte zbardhur nga gazetarja malteze si mjeti i përdorur për të korruptuar 2 anëtarë të qeverisë laburiste malteze të asaj kohe; kreun e kabinetit Keith Schembri e ministrin e energjisë Konrad Mizzi.Përmes dokumentacionit të Panama Papers, Daphne Galizia, kishte zbardhur tranzitimin përmes kompanisë off-shore me bazë në Dubai të rreth 2 milionë dollarë për llogari të dy anëtarëve të Qeverisë malteze.