Liderët e Bashkimit Evropian do të mbajnë të enjten një samit urgjent në Bruksel, për të diskutuar për krizën në Ukrainë.
Në një letër drejtuar liderëve të BE-së, shefi i Këshillit të BE-së, Charles Michel ka thënë se është e rëndësishme që të vazhdojnë të jenë të bashkuar.
“Është e rëndësishme që ne të vazhdojmë të jemi të bashkuar dhe të vendosur”, thuhet në letër.
Sipas tij, “veprimet agresive” të Rusisë kanë shkelur “ligjin ndërkombëtar dhe integritetin territorial e po ashtu sovranitetin e Ukrainës”.
"Ato gjithashtu minojnë rendin evropian të sigurisë. Përdorimi i forcës dhe detyrimi për të ndryshuar kufijtë nuk ka vend në shekullin e 21-të”, thuhet më tej në letër.
Artikuj të ngjashëm
