Prokurorët holandezë kanë thënë të martën se po e shqyrtojnë seriozisht opsionin e terrorizmit, si motiv të mundshëm të sulmit që la tre të vdekur në një tramvaj të Utrechtit, duke pretenduar se një letër e gjetur në veturën e ikjes të sulmuesit çon në këtë drejtim.
Zyra rajonale e prokurorisë publike ka bërë të ditur se qëndrimi i hetuesve bazohet në natyrën e sulmit dhe në letrën e gjetur.
“Motivet tjera nuk mund të përjashtohen dhe janë ende duke u hetuar”, thuhet në njoftimin e prokurorisë, raporton e përditshmja britanike “The Guardian”, transmeton “Koha Ditore. Prokuroria ka shtuar po ashtu se një armë zjarri është gjetur në afërsi të vendit të ngjarjes dhe se disa ndërtesa janë bastisur në Utrecht. “Në këtë pikë, motivi terrorist po shqyrtohet me seriozitet”.
Tre persona kanë mbetur të vdekur dhe tre të tjerë janë lënduar rëndë në sulmin e ndërmarrë nga i dyshuari turk, Gokmen Tanis, i cili u arrestua të hënën, pas tetë orësh kërkim.
Prokuroria ka bërë të ditur se nuk është gjetur ndonjë lidhje mes tij dhe viktimave.
-
Ambasada e Kosovës në Hagë jep numrat emergjentë pas sulmit në qytetin e Utrechtit
-
Disa të lënduar nga të shtënat në qytetin holandez, Utrecht
-
S’ka indikacione për terrorizëm në sulmin në tren, thotë policia në Londër
-
Nëntë persona në gjendje të rëndë pas sulmit me thikë në trenin Doncaster–Londër
-
Sulmi me veturë në Munih kishte motiv islamik