Manisha Singh nuk e harron ditën kur vajza e saj gjashtë vjeçe, Yashi, u sulmua nga një leopard.
“E pash kafshën që erdhi në oborr, e kapi vajzën dhe vrapoi. Ishte hera e fundit që e pash atë të gjallë”.
Singh e gjeti vajzën disa orë më vonë në një fushë afër shtëpisë në një fshat të vogël indian në Uttar Pradesh. Yashi atëherë veçse ishte e vdekur, shkroi BBC.
“Fshati është i terrorizuar. Duhet të kthehem para perëndimit të diellit për t’u siguruar se familja ime është e sigurt”, thotë babai i Yashit.
Sulmi ishte vetëm një nga disa të tillë atje. Në tre muajt e fundit, shtatë persona vdiqën nga sulmet e leopardëve në distriktin Bijnor. Pesë nga sulmet ndodhën brenda tetë ditësh dhe kjo ka rritur frikën dhe panikun në fshatra.
Edhe
Tigri që vrau nëntë persona në Indi, vritet nga autoritetet
Zyrtarët kanë thënë se sulmet e leopardëve në atë zonë nuk janë të pazakonta, por se janë rritur në javët e fundit. Ata nuk e dinë pse po ndodh kjo.
Është e rrallë që leopardët të sulmojnë njerëzit, por sipas aktivistëve që punojnë në mbrojtjen e botës së egër thonë se mund të ketë raste kur ato kthehen në njeri-ngrënës jo sepse shijojnë gjakun e njeriut por sepse njerëzit janë pre më e lehtë.
