Kandidatja për presidente e ekstremit të djathtë në Francë, Marine Le Pen, paralajmëroi se në rast fitoreje nuk do të dërgonte armë në Ukrainë.
“Unë jam më e rezervuar për dërgesat direkte të armëve. Pse? Sepse vija është e hollë midis ndihmës dhe të bërit bashkëluftëtar”, ka thënë liderja e ekstremit të djathtë, duke përmendur shqetësimet për një “përshkallëzim të këtij konflikti që mund të sjellë një numër të tërë vendesh në angazhim ushtarak”.
Le Pen do të garojë me presidentin aktual, Emmanuel Macron për president, në balotazhin e zgjedhjeve më 24 prill.
Disa e kanë akuzuar atë se është shumë e afërt me Rusinë. Ajo e ka dënuar publikisht pushtimin e Ukrainës, por ka vizituar presidentin Putin përpara zgjedhjeve të mëparshme franceze në vitin 2017.
-
Le Pen kërcënon me reduktim të pushtetit të Macronit mbi ushtrinë
-
Si do të ndikojnë zgjedhjet e Francës në luftën e Ukrainës
-
Macroni akuzon Le Penin se ka qëllime autoritare
-
Le Pen do ta tërheqë Francën nga struktura komanduese e NATO-s nëse zgjidhet presidente
-
Macron: Në Evropë do të kthehet nacionalizmi dhe lufta nëse Le Pen zgjidhet presidente