Duke iu rikthyer konferencës për shtyp të ministrit të Jashtëm rus, Sergei Lavrov pyetet se si mund të justifikojë Rusia bombardimin e një materniteti dhe spitalit të fëmijëve.
Lavrov thotë se “nuk është hera e parë që shohim protesta patetike në lidhje me të ashtuquajturat mizori të kryera nga ushtria ruse".
Ai thotë se delegacioni rus i tha këshillit të sigurimit të OKB-së tre ditë më parë se spitali ishte “marrë” nga radikalët ukrainas dhe “të gjitha nënat dhe infermieret u përzunë nga atje”.
Ai thotë se opinioni publik po manipulohet në mbarë botën.
Lavrov i përshkruan raportet në kanalet e mediave perëndimore si “shumë emocionale” dhe thotë se ana tjetër e situatës nuk po merret parasysh.
Edhe
Rusia akuzon Evropën për zgjatjen e luftës në Ukrainë: Po bëhet kërcënim për paqen
Ministri i Jashtëm i Rusisë thotë se presidenti Putin po kujdeset për ekonominë e Rusisë.
Duke folur në konferencën e tij për shtyp, Sergei Lavrov thotë për problemet ekonomike të Rusisë: "Ne do t'i përballojmë ato - ne kemi përballuar vështirësi në të gjitha momentet e historisë sonë".
Ai thotë se Rusia “do të dalë nga kriza me një psikologji dhe ndërgjegje më të mirë”.
“Ne nuk kemi iluzione se Perëndimi mund të jetë një partner i besueshëm”, vazhdon ai, duke thënë se “do të tradhtojë këdo dhe do të tradhtojë vlerat e veta”.
Edhe
Lavrovi paralajmëron se trupat evropiane në Ukrainë do të ishin “shënjestër legjitime”
“Ju siguroj se do t'ia dalim dhe do të bëjmë gjithçka për të mos u mbështetur kurrë te Perëndimi, në asnjë fushë të jetës sonë”.
Lavrov thotë se Rusia ‘tërhoqi vëmendjen” për faktin se Ukraina po “kthehej në antiruse” gjatë shumë viteve, duke shtuar: “Ukraina po shndërrohej në një mjet eksperimental pro-perëndimor”.
