Kryeministri australian, Scott Morrison, të shtunën me shpejtësi ka pranuar humbjen në zgjedhjet përballë laburistit, Anthony Albanese. Lideri i deritanishëm opozitar, bëhet kryeministri i parë në histori të Australisë që nuk ka prejardhje anglo-keltike.
Një prej politikanëve më të rryer të Australisë, Albanese ka thënë se është koha që Parlamenti të reflektojë Australinë moderne.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAlbanese do të betohet si kryeministër pasi partia e tij laburiste mori pushtetin për herë të parë që prej vitit 2007. Laburistët kanë premtuar më shumë ndihmë financiare dhe ngritjen e pagës minimale. Përveç problemeve të brendshme, Albanese synon të forcojë politikën e jashtme dhe partia e tij ka propozuar hapjen e shkollës për mbrojtjen paqësore si kundërpërgjigje ndaj prezencës ushtarake në Ishujt Solomon që gjenden afër territorit të Australisë.
Por kush është Albo?
Albanese bëri emër në Australi si mbrojtës i sistemit falas shëndetësor, si mbrojtës i komunitetit LGBT, republikan dhe fans i madh i rugbyt.
59-vjeçari, me nofkën Albo, është rritur në banesë sociale nga e ëma beqare me pension invaliditeti. Shpesh e ka përmendur edukimin e hershim si bazë për besimet e tij progresiste.
Albanese ka besuar, siç i kishte thënë e ëma, se babai i tij ka vdekur para se ky të vinte në jetë. Por si adoleshent, ajo i tregoi se në fakt kishte ngelur shtatzënë me një burrë të martuar – që me gjasë është gjallë – diku në Evropë.
Tre dekada më pas, ai ndoqi Carlo Albanesen. Udhëtoi drejt Italisë vetëm që ta takonte babanë për herën e parë dhe vëllezërit e motrat.
Ndonëse nuk ka dhënë kurrë shumë detaje për prejardhjen e tij, në media është raportuar se Carlo Albanese ka qenë me prejardhje arbëreshe. Raportimet janë përforcuar nga mbiemri Albanese që në italisht nënkupton “shqiptar”.
Megjithatë, edhe në Greqi është raportuar se prejardhja e kryeministrit të mundshëm australian është nga Greqia.
Albanese ka thënë se nëna e tij, Maryanne Ellery, ishte e vendosur t’ia siguronte të gjitha kushtet që për vete s’i kishte pasur. Me përkrahjen e saj, ai u bë i pari në familje që përfundoi shkollimin.
Albanese ka një djalë. Ai është ndarë nga bashkëshortja më 2019.
Ka qenë gjithnjë pjesë e Laburistëve, në pozita të ndryshme që nga viti 1996. Më 2007, u bë ministër i Infrastrukturës dhe Transportit. Gjashtë vjet më pas u bë zëvendëskryeministër.