Një kujdestar kishe ka vdekur dhe një prift është plagosur kur një i dyshuar i sulmoi ata në dy sulme të ndara në kishat katolike në qytetin spanjoll të Algeciras.
Ministria e punëve të brendshme ka njoftuar se i dyshuari është arrestuar në vendin e ngjarjes.
Sulmi filloi në orët e mbrëmjes të mërkurën kur i dyshuari me hanxhar në dorë hyri në kishë dhe plagosi rëndë priftin. Më pas ka shkuar në kishën tjetër dhe theri për vdekje kujdestarin e saj.
Ministria ka bërë të ditur se kujdestari ka arritur të ikte deri në shesh, mirëpo nuk u ka mbijetuar plagëve nga therja me hanxhar.
Prifti i plagosur është dërguar në spital dhe është në gjendje stabile.
Mediat lokale raportuan se të paktën tre persona të tjerë u plagosën. Autoritetet po hetojnë sulmet si një akt të mundshëm terrorizmi.
Edhe
Dy të vdekur e mbi 80 të lënduar në Spanjë
I dyshuari është në paraburgim nga Policia Kombëtare e Spanjës.
Ministria nuk ka publikuar identitetin e të dyshuarit. Qyteti i Algeciras është në pjesën jugore të Spanjës dhe afër Gjibraltarit. Në këtë qytet është porti që lidh Evropën me Afrikën Veriore.
