Michel Barnier, kryenegociatori i Bashkimit Evropian për Brexit-in, ka dalë pozitiv në testin për koronavirus.
Në një postim në Twitter, ku bëri të ditur diagnozën, Barnier tha se ndjehet mirë.
I would like to inform you that I have tested positive for #COVID19. I am doing well and in good spirits. I am following all the necessary instructions, as is my team.
— Michel Barnier (@MichelBarnier) March 19, 2020
For all those affected already, and for all those currently in isolation, we will get through this together.
Barnier është dashur të zhvillojë bisedime këtë javë në Londër, rreth daljes së Britanisë nga BE-ja (Brexit), por ato janë anuluar për shkak të pandemisë së koronavirusit.
Periudha e tranzicionit pas Brexit-it, gjatë së cilës Mbretëria e Bashkuar vazhdon t’i ndjekë rregullat e BE-së, do të përfundojë në dhjetor dhe kryeministri britanik, Boris Johnson, është zotuar se nuk do ta zgjasë më shumë.
Aktualisht në Evropë janë pezulluar shumë takime, janë mbyllur kufij janë ndërprerë mësimet në shkolla e të tjera, për shkak të situatës së krijuar me koronavirus.
Edhe
Pezullohen bisedimet për Brexit pas testimit pozitiv të një prej negociatorëve
Sipas Organizatës Botërore të Shëndetësisë, Evropa është tani epiqendër e pandemisë.
Në gjithë botën, mbi 222,600 njerëz janë infektuar nga koronavirusi dhe gati 9,000 kanë vdekur.
