Kryeministri britanik, Keir Starmer, është nën presion nga kabineti i ministrave që Mbretëria e Bashkuar menjëherë ta njoh Palestinën si shtet.
Ai është nxitur nëpër disa takime me ministra përgjatë muajve të fundit që Britania ta marrë rolin udhëheqës në njohjen e shtetit palestinez, raportoi The Guardian.
Britania planifikon që zyrtarisht pa njohë Palestinën si pjesë e një procesi paqeje, por vetëm në bashkëpunim me shtetet tjera perëndimore.
Megjithatë, brenda kabinetit ka pasur zëra që janë ngrehur për vrasjet e civilëve palestinezë të uritur në Gaza nga Izraeli dhe sulmet ndaj agjencive humanitare.
“Ne themi se njohja e shtetit palestinez është simbol vërtetë i rëndësishëm që mund ta bësh vetëm një herë. Por, nëse jo tani, atëherë kur?” ka thënë një ministër.
Në fillim të muajit, afër 60 deputetë kërkuan njohjen e Palestinës, pasi ministri izraelit i Mbrojtjes shpalosi planet për të detyruar të gjithë banorët e Gazës të zhvendoseshin në një kamp në rrënojat e Rafahut.
Izraeli po përballet me kritika të ashpra ndërkombëtare për veprimet në Gaza.
