Kina ka ulur në rreth 6,5 për qind objektivin e saj të rritjes ekonomike për vitin 2017, sipas një fjalimi të kryeministrit Li Keçiang, duke i hapur rrugën një ngadalësimi të ri të aktivitetit ekonomik këtë vit.
Parashikimi në fjalë, i publikuar para Parlamentit kinez gjatë çeljes së sesionit vjetor, ka tërhequr vëmendjen e shumë analistëve në kërkim të shenjave për orientimin ekonomik të vendit.
Në vitin 2016, Pekini kishte vendosur si objektiv një rritje mes 6,5 - 7 për qind dhe përfundimisht rritja e ekonomisë së dytë botërore qëndroi në 6,7 për qind, niveli më i dobët që prej 26 vitesh.
