Pekini planifikon të riorientojë politikën e tij të jashtme larg Moskës, duke pasur frikë nga rënia e fuqisë ekonomike dhe politike e Rusisë si pasojë e drejtpërdrejtë e pushtimit të saj katastrofik të Ukrainës dhe rënies eventuale të Putinit.
Megjithëse Vladimir Putin dhe udhëheqësi kinez Xi Jinping premtuan të forcojnë marrëdhëniet dypalëshe gjatë një video-konference në fund të dhjetorit, mosbesimi ndaj liderit rus po rritet midis zyrtarëve të lartë të Partisë Komuniste Kineze, raportoi të martën Financial Times, duke cituar zyrtarë anonimë kinezë.
"Vendimi për të pushtuar Ukrainën u mor nga një grup shumë i vogël njerëzish. Kina nuk duhet të ndjekë Rusinë”, ka thënë një zyrtar anonim kinez, duke shtuar: “Putini është i çmendur”.
Kina nuk ishte në dijeni të planit të Kremlinit për të nisur pushtimin ushtarak të Ukrainës vitin e kaluar dhe priste më së shumti një operacion të kufizuar ushtarak.
Gjatë takimit të 4 shkurtit, Putin raportohet se informoi Xi se Rusia “nuk do të përjashtojë marrjen e ndonjë mase të mundshme nëse separatistët nga Ukraina Lindore sulmojnë territorin rus dhe shkaktojnë një katastrofë humanitare”.
Dështimi i Pekinit për të marrë inteligjencë të saktë mbi planet e Putinit e la atë të papërgatitur për pushtimin dhe rezultoi në shkarkimin e zëvendësministrit të jashtëm të atëhershëm të Kinës, Le Yucheng, i cili ishte i ngarkuar edhe për të informuar mbi Rusinë.
Edhe
Presidenti i Kinës takon Putinin në Moskë javën tjetër
Zyrtarët kinezë anonim i thanë FT-së se ata besonin se qëllimet e Kremlinit në Ukrainë ishin të dënuara me dështim dhe se Rusia do të dilte nga konflikti si një "fuqi e vogël".
Megjithatë, Pekini ka ende shumë për të fituar nga marrëdhënia me Kremlinin në afat të shkurtër, pasi e sheh afërsinë me Putinin si një pozicion të dobishëm negociues në marrëdhëniet me Evropën.
Kina gjithashtu shpreson të përfitojë nga procesi i rindërtimit të pasluftës në Ukrainë, kanë shtuar zyrtarët.
