Dy prej 17 misionarëve amerikanë e kanadezë që ishin kidnapuar nga një bandë e armatosur në Haiti muajin e kaluar janë liruar, raporton BBC.
Christian Aid Ministries ka njoftuar të dielën se dy individë janë “sigurt, në frymë të mirë dhe janë duke u kujdesur për ta”.
“Ne nuk mund të ofrojmë apo konfirmojmë emrat e atyre që janë liruar”, është thënë nga Christian Aid Ministries.
Kidnapimi i misionarëve dhe anëtarëve të familjeve të tyre, përfshirë edhe fëmijë këtu, u raportua më 16 tetor.
Ata po ktheheshin pas një vizite në një jetimore kur autobusi u ndalua në rrugën kryesore në qytetin Ganthier.
Në mesin e të kidnapuarve ishin pesë burra, shtatë gra e pesë fëmijë. 16 prej tyre ishin shtetas amerikanë e një ishte shtetas kanadez.
Edhe
Kidnapuesit në Haiti kërkojnë 17 milionë dollarë për lirim të misionarëve
Banda 400 Mazowo tha se është prapa kidnapimit dhe kërkoi 1 milion dollarë për një peng, pra 17 milionë dollarë.
Të dielën Christian Aid Ministries – organizatë me seli në SHBA që përkrah haitianët nëpërmjet donacioneve, dhe ofron strehë, ushqim e veshje për fëmijët – ka lëshuar komunikatë duke thënë se lutet për zgjidhjen e plotë të kësaj situate.
