Komisioni Evropian dhe Këshilli i Evropës i kanë dënuar veprimin e Rusisë për të njohur dy rajonet lindore të Ukrainës, Donetskun e Luhanskun, si shtete të pavarura.
Përmes një komunikate të përbashkët, këto dy institucione të BE-së i kanë quajtur të paligjshme dhe të papranueshme veprimet e Moskës zyrtare.
Rusia pos që njohu pavarësinë e këtyre rajoneve, ku separatistë pro-rusë luftojnë tash e tetë vite me ushtrinë ukrainase, vendosi edhe të dërgojë në to “trupa paqeruajtëse”.
“Të dy presidentët (Ursula von der Leyen dhe Carles Michel) mirëpresin unitetin e palëkundur të shteteve anëtare dhe vendosmërinë e tyre për të reaguar me forcë dhe shpejtësi ndaj veprimeve të paligjshme të Rusisë në koordinim të ngushtë me partnerët ndërkombëtarë”, thuhet në reagimin e përbashkët.
Një takim jozyrtar i ministrave të Jashtëm të BE-së, do të zhvillohet sot në orën 16:00.
Edhe
Liderët evropianë: Nuk do ta njohim kurrë këtë aneksim të paligjshëm
Pas këtij takimi, paketa e parë e sanksioneve do të paraqitet më vonë në mbrëmje.
“Organet përkatëse do të mblidhen më pas për të finalizuar paketën pa vonesë”, thuhet në komunikatë.
Russia's aggression against Ukraine is illegal and unacceptable.
— Ursula von der Leyen (@vonderleyen) February 22, 2022
The Union remains united in its support for Ukraine's sovereignty and territorial integrity.
A first package of sanctions will be formally tabled today.
