Katër policë të vrarë e një i plagosur në Meksikën e Jugut

Katër policë të cilët ishin jashtë detyrës kanë mbetur të vrarë në Meksikën e jugut dhe një tjetër është plagosur, pas gjuajtjeve me armë që i ka tmerruar qytetarët në qytetin e Zacatecas.

Një video e postuar në rrjete sociale tregon se si prindërit në një ndeshje futbolli, kujdeseshin për fëmijët e tyre duke i ulur përtokë. Është bërë e ditur nga prokurorët e shtetit se mungonte edhe një tjetër zyrtar policor që ishte në atë zonë.

Ata kanë thënë se sulmuesit kanë gjuajtur në drejtim të veturës së viktimave e më pas janë larguar, teksa kanë gjuajtur edhe policët tjerë që i ndiqnin, me ç’rast edhe e plagosën një polic tjetër. Shteti i Zacatecas është vend i dhunës së vazhdueshme të grupeve të ndryshme të drogës, të përkrahur nga kartelet rivale, Sinaloa dhe Jalisco.

Në qershor, 18 trupa u zbuluan në një vend rural të qytetit Zacatecas dhe më pas u bë e ditur se janë si rezultat i shkëmbimit me armë ndërmjet anëtarëve të bandave. Dy ditë më vonë, në qytetin Zacatecas, janë gjetur edhe dy trupa të varur që ishin rrëmbyer, e që dolën të jenë zyrtar policor. Shtatë trupa tjerë u gjetën të vrarë në një vend afër këtij qyteti.