Dhjetëra fluturime janë anuluar në aeroportin e Hamburgut, herët të enjten, pas bllokimit të një piste të aviacionit nga grupi i aktivistëve për ndryshimet klimatike “Last Generation”.
“Nuk mund të parashikohet ende se kur mund të rifillojnë operimet. Sipas informacioneve aktuale dhjetëra fluturime janë anuluar. Nuk përjashtohen anulimet dhe devijimet e mëtejshme”, thanë zyrtarët e aeroportit.
Anëtarët e grupit gjithashtu dëmtuan një rrethojë sigurie në aeroportin e Dusseldorfit, në perëndim të vendit dhe bllokuan një rrugë hyrëse në pistë.
Në një deklaratë, grupi i aktivistëve akuzoi qeverinë gjermane për mungesë të një strategjie për trajtimin e krizës klimatike dhe bëri thirrje për masa të menjëhershme për të ulur emetimet në sektorin e transportit. Sipas Komisionit Evropian, aviacioni është përgjegjës për një pjesë të konsiderueshme të emetimeve globale.
Grupi “Last Generation” është i njohur për protestat e tij, të shoqëruara me bllokimin e rrugëve dhe aeroporteve, duke kërkuar veprime më të ashpra të qeverisë në reduktimin e emetimit të gazrave serrë. / AP
-
Rikthehet funksionimi i aeroportit të Frankfurtit
-
Rifillojnë fluturimet pas protestës së klimës në aeroportin e Koelnit
-
Tetë të arrestuar pasi aktivistët e klimës pengojnë punën në Aeroportin e Munihut
-
Aktivistët kundër ndryshimeve klimatike organizojnë një tjetër protestë në Berlin
-
Dronët mbi Aeroportin e Munihut shkaktojnë anulime dhe vonesa fluturimesh