Kanadaja i dislokoi dy luftanije në Detin Baltik dhe në Atlantikun verior të dielën, duke iu bashkëngjitur përpjekjeve për të përforcuar krahun lindor të NATO-s, si përgjigje ndaj pushtimit rus në Ukrainë, raporton “The Guardian”.
Sipas mediumit britanik, anijet kanadeze Kingston dhe Summerside, do të jenë të përqendruara për katër muaj si pjesë e “masave parandaluese në Evropën Qendrore dhe Lindore”. Këto masa kishin nisur në vitin 2014, kur Rusia nisi aneksimin e Krimesë.
Sipas autoriteteve kanadeze, deri në tetor, anijet do marrin pjesë në stërvitje detare në heqjen e minave dhe do të qëndrojnë “në gatishmëri të plotë” duke iu lejuar “të përgjigjen shpejt dhe në mënyrë efektive në mbeshtejte të çdo operacioni të NATO-s”.
Misioni kanadez për përfshirje në këtë mision mbrojtës do t’i përfshijë edhe 700 trupa kanadeze në Letoni me aftësi artilerie dhe luftarake, si dhe disa aeroplanë ushtarakë.
-
Rusia zhvillon stërvitje detare në Baltik gjatë stërvitjeve të mëdha të NATO-s
-
Britania do të dërgojë rreth 8,000 ushtarë në Evropën Lindore
-
NATO “forcohet” në krahun lindor të Aleancës
-
SHBA-ja dhe aleatët diskutojnë për vendosjen e më shumë trupave në Evropën Lindore
-
NATO dërgon anije dhe avionë në Evropën Lindore për shkak të krizës në Ukrainë