Italia do të zhvillojë zgjedhjet legjislative më 4 mars, sipas vendimit të marrë sot nga qeveria, duke rritur frikën se kjo votë mund të sjellë një destabilitet të ri politik në një prej ekonomive më të mëdha të Evropës.
Presidenti italian, Sergio Mattarella njoftoi datën pasi u përcaktua nga qeveria e kryeministrit, Paolo Gentiloni.
Pak më parë, kreu i shtetit kishte njoftuar shpërbërjen e dhomës së ulët dhe të lartë të Parlamentit italian.
Ky votim shihet si një garë trepartiake mes bllokut konservator të drejtuar nga ish-kryeministri Silvio Berlusconi, nga partia antisistem dhe euroskeptike Lëvizja Pesë Yjet (M5S) dhe nga partia e Gentilioni-t e qendrës së majtë, Partia Demokratike (PD).
Aleanca e Berlusconi-t pritet të fitojë më shumë vota por jo maxhorancën e nevojshme, ndërkohë që M5S-ja mund të shfaqet si partia më e madhe e vetme, por pa partnerë për koalicion. Ndërsa PD-ja, e drejtuar nga ish-kryeministri Matteo Renzi, me popullaritet në rënie, mund të shkojë drejt zvogëlimit.
-
Populizëm djathtas dhe majtas - Italia voton
-
Liderja e ekstremit të djathtë pritet të bëhet kryeministrja e parë e Italisë
-
Exit-pollet në Itali e nxjerrin fitues koalicionin e djathtë
-
Dalje e ulët në zgjedhje në Itali, exit poll-et publikohen në orën 23:00
-
Italia mund të bjerë në duar të së djathtës ekstreme