Ish-kryeministri i Pakistanit, Imran Khan, ka akuzuar qeverinë se ka bllokuar përkohësisht YouTube-in në vend për të penguar njerëzit të dëgjojnë drejtpërdrejt një fjalim që ai mbajti në një tubim politik.
Akuza erdhi pasi rregullatori i medias elektronike të Pakistanit të shtunën vonë njoftoi ndalimin e transmetimit të drejtpërdrejtë të fjalimeve të Khanit për shkak të asaj që e quajti “gjuhën e tij të urrejtjes” kundër institucioneve shtetërore.
“Qeveria e importuar bllokoi YouTube në mes të fjalimit tim”, tha Khan në Twitter.
Khan ka bërë presion për zgjedhje të reja në Pakistan pasi u rrëzua nga pushteti në prill përmes një votimi parlamentar. Ai ka mbajtur fjalime të zjarrta në tubime anembanë vendit.
Artikuj të ngjashëm
-
Protesta në Pakistan për parregullsitë zgjedhore
-
Pakistani pezullon shërbimet telefonike
-
Ish-lideri pakistanez dënohet me burgim për nxjerrje të sekreteve shtetërore
-
Ish-kryeministrit të Pakistanit i ndalohet përfshirja në politikë për pesë vjet
-
Ish-kryeministri pakistanez dënohet me tre vjet burgim