Parlamenti i Indonezisë ka aprovuar një kod të ri kriminal që do t’i ndalojë marrëdhëniet seksuale jashtë martese.
Dënimi për ata që e shkelin këtë kod do të jetë deri në një vit burgim, raportoi BBC-ja të martën.
Kodi është kritikuar nga mbrojtësit e të drejtave të njeriut, të cilët e kanë cilësuar si shkatërrim për liritë demokratike.
Kodi i ri penal nuk do të hyjë në fuqi për tre vjet të tjerë dhe gjithashtu përfshin një ndalim për fyerjen e presidentit dhe shprehjen e pikëpamjeve që bien ndesh me ideologjinë shtetërore.
Disa grupe të të drejtave kanë mbajtur protesta jashtë parlamentit në Xhakarta javën e kaluar për ta kundërshtuar kodin.
Kodi i cili do të aplikohet edhe për indonezianët edhe për të huajt, përfshin disa ligje “morali” dhe e bën ilegale për çiftet e pamartuara që të jetojnë së bashkë dhe të kenë marrëdhënie seksuale.
Edhe
Indonezia e bën marrëdhënien seksuale jashtë martese të dënueshme me burg
Grupet e të drejtave thonë se kodi ndikon te gratë, komuniteti LGBTI dhe minoritetet etnike në shtet.
Kodi i ri po ashtu shtrëngon ligjet e blasfemisë dhe ndikon në jetën publike.
-
140 goditje me kamxhik për çiftin indonezian për marrëdhënie jashtëmartesore e konsum alkooli
-
MD-ja ndryshon nenin që flet për martesën, s'tregon kur do ta miratojë në Qeveri
-
Republika Dominikane shpall antikushtetues ligjin që ndalon lidhjet mes individëve të së njëjtës gjini
-
Tajlanda bën hap të madh drejt legalizimit të martesave të gjinisë së njëjtë