India ka thënë se është bërë vendi më i shpejtë në botë që administroi më shumë se 100 milionë doza të vaksinave anti-COVID, mes një vale të rritur të infeksioneve.
India e arriti këtë shifër për 85 ditë, ndërsa SHBA-ja për 89 ditë dhe Kina për 102 ditë, ka thënë Ministria e Shëndetësisë.
Por vendi raportoi një rritje rekord ditore me mbi 150 mijë raste pozitive - dhe më shumë se 800 vdekje të reja.
Dhe ka raporte që vaksinimi i madh nuk po ka efektet e pritura.
Në Indi, të gjithë personat e moshës mbi 45 vjeç kanë të drejtë të marrin vaksinën nëpër qendrat e vaksinimit dhe spitalet. Dozat më të mëdha deri më tani u janë dhënë punëtorëve të vijës së frontit me pandeminë dhe mbi personave mbi 60 vjeç.
India synon të vaksinojë deri në 250 milionë persona deri në qershor të këtij viti.
Që nga fillimi i pandemisë, ky shtet aziatik ka raportuar për më shumë se 167.000 të vdekur dhe mbi 12 milionë të prekur si pasojë e COVID-19, duke u bërë kështu shteti i tretë në botë më i prekur nga koronavirusi, pas SHBA-së dhe Brazilit.
