Bashkimi Evropian duhet të përshpejtojë zgjerimin për të përfshirë vendet nga Ballkani perëndimor, ka thënë ministri i Jashtëm i Hungarisë, Peter Szijjarto.
Sipas planit aktual të BE-së, as vendet me përparimin më të madh drejt anëtarësimit nga Ballkani Perëndimor, Serbia dhe Maqedonia, nuk pritet të hyjnë në bllok para vitit 2025, raporton Reuters.
“Duhet të zgjerojmë BE-në sa më shpejt që të jetë e mundur”, ka thënë Szijjarto në organizatën londineze “Chatham House”, duke thënë se nuk duhet që ato vende të presin edhe shtatë vjet për të kaluar këtë proces, transmeton Koha.net.
“Dëshirojmë të shohim BE-në me 28, 29, 30 anëtarë. Ballkani Perëndimor është vend ku tensionet mund të shfaqen”.
Franca dhe Holanda janë duke kundërshtuar planet e BE-së për të lejuar hapjen e bisedimeve për anëtarësim me Shqipërinë dhe Maqedoninë si pasojë e brengave se vendimi mund të ushqejë edhe më shumë ndjenjën anti-emigrim në bllok, kanë thënë diplomatët e BE-së.
-
Scholz do që Ballkani Perëndimor të përfshihet në zgjerimin e BE-së
-
Grupi i Vishegradit: Për Ballkanin Perëndimor fjalët t’i kthejmë në vepra
-
Financial Times: BE zgjerohet në Ballkan, përfshirë edhe Kosovën
-
Serbia dhe Mali i Zi drejt anëtarësimit në BE deri më 2025, thotë Hahn
-
BE është “më e gatshme” për anëtarësimin e Ballkanit në bllok